Rannsóknarstöð Hjartaverndar
Rannsóknarstöð Hjartaverndar var stofnuð árið 1967 og hefur framkvæmt fjöldann allan af rannsóknum. Hóprannsókn Hjartaverndar er stærsta rannsókn stöðvarinnar og eru margar rannsóknir gerðar út frá henni. Hjartavernd hefur verið í góðri samvinnu við margar stofnanir við sínar rannsóknir, bæði hér heima og erlendis.
Hér fyrir neðan má finna upplýsingar um helstu rannsóknir Hjartaverndar.
-
Áhættuþáttakönnun
Hvað er Áhættuþáttakönnun Hjartaverndar 2005-2006?
Áhættuþáttakönnun Hjartaverndar 2005-2006 er könnun á bæði vel þekktum áhættuþáttum hjarta-og æðasjúkdóma svo sem kólesteróli og blóðþrýstingi og á nýjum áhættuþáttum eins og þykkt hálsæða eða gerð persónuleika. -
Reykjavíkurrannsókn
Í lok nóvember 1967 komu fyrstu gestirnir í Hóprannsókn Hjartaverndar til skoðunar í Rannsóknarstöð Hjartaverndar í Lágmúla 9. Þrjátíu árum síðar, í nóvember 1997, komu svo síðustu einstaklingarnir sem valdir voru í þessa hóprannsókn til skoðunar á stöðinni.
-
Öldrunarrannsókn 1. áfangi
Öldrunarrannsóknin Hjartaverndar er nýjasti áfanginn í Hóprannsókn Hjartaverndar, sem hófst 1967. Öldrunarrannsóknin er samstarfsverkefni Hjartaverndar og Bandaríska Heilbrigðisráðuneytisins (National Institutes of Health).
-
Öldrunarrannsókn 2. áfangi
Sjúkdómar og fylgikvillar öldrunar er vaxandi vandamál samfara mikilli fjölgun þeirra einstaklinga sem ná háum aldri. Öldrunarrannsókn Hjartaverndar hefur þegar gefið vísbendingar um að hugsanlega megi hafa áhrif á hraða hrörnunar eða þróun sjúkdóma og þar með lífsgæði með margvíslegu inngripi eða ráðleggingum.
-
Afkomendarannsókn
Þessi hóprannsókn var meginverkefni rannsóknarstöðvarinnar á árinu 2000. Til hennar var boðið börnum þeirra þátttakenda í Hóprannsókn Hjartaverndar er fengið höfðu kransæðastíflu og til samanburðar börnum þátttakenda er ekki höfðu fengið kransæðastíflu. Erfðafræðinefnd annaðist gerð skráa yfir þessa afkomendur.
-
Monica rannsókn
MONICA rannsókn (multinational monitoring of trends and determinants in cardiovascular disease) er fjölþjóðleg rannsókn unnin í samvinnu við og undir yfirumsjón Alþjóðaheilbrigðisstofnunarinnar (WHO). Þátttökuríki eru 21 talsins og rannsóknarstöðvar 38. Rannsóknin nær til 12 milljón manna og er langstærsta faraldsfræðilega rannsókn sem gerð hefur verið til þessa.
Áhættumat
Val á mælingum hefur verið aðlagað að nýrri þekkingu á áhættuþáttum kransæðasjúkdóma og sykursýki og áhersla lögð á markvissa greiningu. Matið er kerfisbundið fyrir hvern einstakling. Mögulegt er að gera frekari rannsóknir svo sem áreynsluþolpróf og ómun hálsæða eftir ákveðnum vinnureglum ef ábending er fyrir hendi. Áhættureiknivél Hjartaverndar er notuð við þetta mat.
Opnunartímar
- Mán - Fös: 08:00 - 16:00
- Helgar: Lokað