00/00

Fjáröflun.

Hægt er að panta minningarkort bæði gegnum tölvu og símleiðis.

Margir velunnarar stofnunarinnar hafa arfleitt Hjartavernd að hluta eða öllum eigum sínum. Auðvelt er að hafa samband við okkur til að styrkja bæði með því að senda póst eða hringja í Hjartavernd.

Minningarkort

Það eru 3 leiðir í boði til að panta minningarkort:

1. Panta og greiða minningarkort á netinu á slóðinni https://www.iha.is/minningarkort (opnast í nýjum glugga).

2. Hringja í okkur í síma 535-1800 og panta minningarkort sem er þá hægt að greiða fyrir með kreditkorti.

3. Panta minningarkort með því að senda okkur póst á minningarkort@hjarta.is og greiða með millifærslu á bankareikning 111-26-4014 (kt.600705-0590). Vinsamlegast sendið þá staðfestingu um greiðslu á netfangið minningarkort@hjarta.is.

Ef pantað er í gegnum tölvupóst er nauðsynlegt er að neðangreindar upplýsingar komi fram. Best er að afrita textann hér fyrir neðan og setja í tölvupóstinn til að tryggja að allt skili sér.

Upphæð (ath að lágmarksupphæð er 1.000 kr)

Til minningar um:

Nafn

Móttakandi minningarkorts:

Nafn
Heimilisfang móttakanda
Póstnúmer
Bæjarfélag
Undirskrift á kortið

Greiðandi korts:

Nafn
Kennitala
Heimilisfang
Póstnúmer
Bæjarfélag
Netfang
Sími

Styrktaraðilar

Með því að gerast styrktaraðili Hjartaverndar ertu með beinum hætti að styrkja rannsóknir og fræðslu um hjarta- og æðasjúkdóma hér á landi.

Vinsamlegast hafðu samband við okkur í síma 5351800 eða sendu okkur línu með því að smella á hlekkinn.

Hafa samband

Arfgjafir

Frá stofnun Hjartaverndar hafa nokkrir velunnarar stofnunarinnar arfleitt Hjartavernd að hluta eða öllum eigum sínum. Slíkar gjafir hafa komið sér einstaklega vel og bera vott um þann einstaka hlýhug og velvilja sem Hjartavernd nýtur meðal íslensku þjóðarinnar. Hugarfar þeirra sem arfleiða Hjartavernd að eigum sínum verður best þakkað með meira og betra starfi að rannsóknum, fræðslu og forvörnum.

Hér má lesa um nokkrar arfgjafir sem Hjartavernd hefur fengið á síðustu árum.

Frú Eiríka Eiríksdóttir

Á árinu 1983 ánafnaði frú Eiríka Eiríksdóttir Hjartavernd að andvirði íbúðar sinnar að hluta. Þessi dánargjöf var notuð til endurnýjunar tækja Rannsóknarstöðvarinnar sem voru orðin 15 ára gömul á þeim tíma.
Sigurjón K. Þorbjörnsson & Karólína Karlsdóttir

Árið 1989 hlaut Hjartavernd dánargjafir tveggja velunnara sinna. Sigurjón K. Þorbjörnsson arfleiddi Hjartavernd að öllum eigum sínum, íbúð, innbúi og nokkrum fjármunum og Karólína Karlsdóttir arfleiddi sömuleiðis Hjartavernd að öllum eigum sínum, íbúð, húsmunum og nokkru lausafé.
Hallfríður Jónsdóttir og Þórður Sigurðsson

Síðan var það árið 2004 sem Hjartavernd hlaut gjafir úr fjórum dánarbúum, rúmar 22 milljónir króna. Það ár arfleiddu Hallfríður Jónsdóttir og Þórður Sigurðsson Hjartavernd að öllum eigum sínum.
Velunnarar Hjartaverndar

Hulda Jónsdóttir ánafnaði Hjartavernd að hluta af eigum sínum og sama gilti um dánarbú hjónanna Ernst Rose og Helgu Anni Jensen og dánarbú Ingibjargar Kristjánsdóttur en Hjartavernd hlaut að gjöf hluta af dánarbúum þeirra.